| 又好耐都冇寫xanga啦, 事關真係太忙, 要應付cfa之餘, 仲要幫人補習, 加上日常去街都唔少得, 所以連上網都少左好多 最近d雷曼事件, 真係愈鬧愈熱, 希望快d完結, 不過我最worry都係下年經濟真係唔知會點, 睇左好多關於1929年great depression既野, 從表面睇, 今次同上次有近似之處, 亦有大為不同之處 (最衰以前讀書求其讀, 我都唔係exactly記得what causes great depression ) , 係以前未有great depression之前, 經濟學界一直相信既classical macroeconomics係自由市場可自行調節, 而政府冇需做任何野, 但由great depression開始起, 大家已經明白係macro市場內呢個concept根本唔work, "信心" (大概係因為心態 or psychology) 先係最關鍵既野, 政府要做既野係rescue已經跌到落谷底既信心, 不過呢樣野好vague, 如何rescue信心 ???? 所以而家各國都係不同既政策, 或者積極討論如何聯合carry out d 方法, 以令信心得以復甦... 不過, 從呢件事, 我又覺得一樣野都幾有趣, 就係大家一直以黎都用好多數字性既方法黎去解釋一d狀況, 例如係經濟學裡面都係用好多數字explain, 但係有時, 都不及去研究人既心態黎得有用....除左macroeconomics之外, oligopoly既想法, 都係以人既心理 (i.e. game theory) 最為人認同....我唔係話數學係冇用, 佢絕對絕對有不容置而的極大作用, 不過有時去研究一個理論, 可能都不應過於數字化而忽略人性..... 正如, 有某d情況下, 過份著重數字, 亦都唔一定係最有效, 最efficient.... 正如一間公司一樣, 我都知公司要賺錢, 要將cost減到最低, 但係裁員又係咪唯一方法??!!或者係好景既時候都係一樣, 有陣時盲係妄顧員工既感受, 只係用少少$$ 去彌補心靈上一d損失, 咁又係咪洽當 ?! 而家既大企業, 比以前都少了一份人情味, 市好既時候, 你做唔到數就可以唔俾你過probation, 即刻fired你, 市唔好既時候, 一句 "唔好意思, 為左股東既盈利, 我地要cut cost, 都係要fired你", 呢個有係咪要真正去諗下既野 ??? 人既野, 人對你好, 你對人好, 公司表現得重視員工, 有經驗同肯搏命既員工都會留低, 呢個都係有時未必用複雜既數字能夠完全explain... 金融海嘯同企業良知好似冇咩關係, 我係度講到好似好有關係, 可能未必個個人認同, 但係呢兩樣都係我近期睇得最多, 聽得最多既野, 尤其係企業問題, tho 暫時都未到我公司, 只係同行既說法, 但係真係幾有感而發 |
